Aýdym-saz ulgamynda gazanylýan ylmy üstünlikler
Ýakynda Maýa Kulyýewa adyndaky Türkmen milli konserwatoriýasynyň aspirantlarynyň we doktorantlarynyň gatnaşmagynda okuw-usuly maslahaty geçirildi.
Okuw-usuly maslahatyynda sazyň nazaryýeti kafedrasynyň müdiri, uly mugallym Şemşat Annagylyjowa, dosent, sungaty öwreniş ylymlarynyň kandidaty Ýelena Osipowa, halk saz gurallary kafedrasynyň müdiri, dosent, sungaty öwreniş ylymlarynyň kandidaty Muhammetmyrat Gapurow, sazyň taryhy kafedrasynuň mugallymy Gülnabat Ataýewa saz sungatynyň aýratynlygy bilen bagly taýýarlan ylmy makalalary bilen çykyş etdiler.
«Berkarar döwletiň Täze eýýamynyň Galkynyşy döwründe aýdym-saz ulgamynda gazanylýan ylmy üstünlikler» atly aspirantlaryň we doktorantlaryň okuw-usuly maslahatynda edilen çykyşlarda hormatly Arkadagly Serdarymyzyň ylym-bilim ulgamynda döredip berýän mümkinçilikleri dogrusynda, ýaşlara berilýän bilimiň hili babatynda edilýän işler hakynda gyzykly gürrüňler edildi. Bulardan başga-da halypa mugallymlar özleriniň biri-birinden täsirli çykyşlarynda türkmen kinofilmlerinde sazyň eýeleýän orny, türkmen kompozitorlarynyň halk saz döredijiligi bilen baglanyşygy, olaryň stil aýratynlygy, meşhur sazandalaryň we kompozitorlaryň bu ugruň ösmegine goşan ägirt uly goşantlary dogrusynda gymmatly pikirlerini beýan etdiler.
